Shamshyan.com-ի տեղեկություններով Հյուսիսային պողոտայում 19-ամյա ուսանողը վրաերթի է ենթարկվել կառավարական համարանիշներով «Jeep» մակնիշի ավտո - 1 Июля 2013 - HAYASTAN
Главная » 2013 » Июль » 1 » Shamshyan.com-ի տեղեկություններով Հյուսիսային պողոտայում 19-ամյա ուսանողը վրաերթի է ենթարկվել կառավարական համարանիշներով «Jeep» մակնիշի ավտո
18:49
Shamshyan.com-ի տեղեկություններով Հյուսիսային պողոտայում 19-ամյա ուսանողը վրաերթի է ենթարկվել կառավարական համարանիշներով «Jeep» մակնիշի ավտո
Ոստիկանության Քննչական գլխավոր վարչության Երևանի Քննչական վարչության Ճանապարհատրանսպորտային հանցագործությունների քննության բաժնի ավագ քննիչ Դավիթ Մարտիրոսյանի կողմից նյութեր են նախապատրաստվում հունիսի 29-ին Երևանում տեղի ունեցած վրաերթի փաստով: Ժամը 21:50-ի սահմաններում անհայտ մակնիշի և համարանիշի ավտոմեքենայի վարորդը Հյուսիսային պողոտայի հրապարակում վրաերթի է ենթարկել Բուզանդի 101 շենքի բնակիչ 19-ամյա Լևոն Նիկողոսյանին: Ինչպես հայտնում է ֆոտոլրագրող Գագիկ Շամշյանը, վարորդը, վրաերթի ենթարկվածին թողնելով անօգնական, հեռացել է դեպքի վայրից, իսկ Լ. Նիկողոսյանը հաջորդ օրը գիշերը բոժօգնության է դիմել թիվ 3-րդ հիվանդանոց: Ֆոտոլրագրողը հայտնում է, որ Լ. Նիկողոսյանը սովորում է Երևանի պետական համալսարանի Ինֆորմատիկայի և Կիրառական մաթեմատիկայի ֆակուլտետի 3-րդ կուրսում և նա վրաերթի է ենթարկվել արտասահմանյան մակնիշի ավտոմեքենայի վարորդի կողմից, իսկ ավտոմեքենայի վրա տեղադրված են եղել պետական համարանիշներ, ավտոմեքենայի տանիքին էլ տեղադրված են եղել փարոսիկներ, ինչը նշանակում է, որ նշված ավտոմեքենան սպասարկում է պետական լուրջ պաշտոն զբաղեցրած անձի, իսկ այդպիսի անձինք են Կառավարության, Ազգային ժողովի, ուժային կառույցների և կենտրոնական բանկի պաշտոնյաները: Կարծում ենք՝ ճանապարհային ոստիկանությունն ու քննչական բաժինը կարճ ժամանակում կհայտնաբերեն փախուստի դիմած վարորդին, անկախ նրա զբաղեցրած դիրքից ու պաշտոնից: