Hayastan, Armenian portal
Սամվել Բալասանյանը խախտում է իր իսկ ընդունած օրենքը և երթևեկում ԱԺ հաշվեկշռում գրանցված համարանիշներով - 1 Июля 2013 - HAYASTAN
Главная » 2013 » Июль » 1 » Սամվել Բալասանյանը խախտում է իր իսկ ընդունած օրենքը և երթևեկում ԱԺ հաշվեկշռում գրանցված համարանիշներով
19:02
Սամվել Բալասանյանը խախտում է իր իսկ ընդունած օրենքը և երթևեկում ԱԺ հաշվեկշռում գրանցված համարանիշներով
Գյումրու ԲՀԿ-ական քաղաքապետ Սամվել Բալասանյանը, ով աշխատանքի է մեկնում Range Rover մակնիշի 060 ՕՕ 01 համարանիշի ավտոմեքենայով, երբևիցե նկատե՞լ է, որ ավտոմեքենայի դիմապակուց բացակայում է ԱՊՊԱ և տեխզնման կտրոնները: ՀՀ վարչապետ Տիգրան Սարգսյանը, բազմիցս հայտարարել է, որ չի հանդուրժելու այն պաշտոնիային, ում ավտոմեքենային չի լինի նշված կտրոնները: Այսօր՝ հունիսի 30-ին, Գյումրիում նշվում էր 2013 թվականի ԱՊՀ երկրների մշակույթային մայրաքաղաք հռչակված Գյումրու տոնախմբությունը, որին ներկա էր Վարչապետ Տիգրան Սարգսյանը: Տեսնե՞ս, Վարչապետի ականջին շշնջացին, որ քաղաքապետը չի կատարում իր հանձնարարականը: Իսկ հետաքրքրի է Գյումրին սպասարկող ճանապարհային ոստիկանները ինչո՞ւ օրինախախտ վարորդի նկատմամբ վարչական ակտ չեն գրում, այն դեպքում, երբ նման օրինախախտում կատարած հասարակ քաղաքացու են տեսնում, ապա ակտը պատրաստ է: Նշենք նաև, որ մինչ Գյումրու քաղաքապետ ընտրվելը, Սամվել Բալասանյանը ավելի քան 10 տարի եղել է ՀՀ ԱԺ պատգամավոր, և ինքն էլ է մասնակցություն ունեցել Վարչական իրավախախտումների մասին օրենքի ընդունմանը: Ստացվում է, որ Սամվել Բալասանյանը խախտում է իր իսկ ընդունած օրենքը: Ֆոտոլրագրողը հայտնում է նաև, որ Սամվել Բալասանյանը մինչ օրս երթևեկում է ՀՀ ԱԺ աշխատակազմին պատկանող համարանիշներով: Տեսնե՞ս ԱԺ Աշխատակազմում չեն նկատել, որ նախկին պատգամավորը մինչ օրս օգտագործում է ԱԺ հաշվեկշռում գրանցված համարանիշները: Լուսանկարները՝ Գագիկ Շամշյանի.
