Главная » 2013 » Июнь » 30 » Փափազյան և Խաչատրյան փողոցներում ստեղծվում են մինի աղբանոցներ
19:01
Փափազյան և Խաչատրյան փողոցներում ստեղծվում են մինի աղբանոցներ
Երևանի քաղաքապետարանի պաշտոնյաներին և վարչական շրջանների ղեկավարներին եթե հարցնես, թե Երևանի մասին ո՞ր երգն եք ավելի շատ սիրում, երևի իրար հերթ չտալով, կպատասխանեն՝ սա Երևանն է, այստեղ դու տանն ես: Կարծում ենք՝ ոչ մի երևանցի չի հանդուրժի, երբ վարդագույն քաղաքը վերածվում է մինի աղբանոցների: Այսօր՝ հունիսի 30-ին, ֆոտոլրագրող Գագիկ Շամշյանը լուսանկերների շարք է արել, թե ինչպիսի հակասանիտարական վիճակում է գտնվում Արաբկիր վարչական շրջանի Խաչատրյան և Փափազյան փողոցներում տեղադրված աղբամանները: Բնակիչները արդարացիորեն հայտնում էին, որ 2 օր է՝ չի հեռացվում աղբը, մինչդեռ աղբահանության համար վճարումները բնակիչների կողմից կանոնավոր կատարվում են: Կարծում ենք իրավասու մարմինները կարճ ժամանակում կվերացնեն այս իրավիճակը, մանավանդ որ եղանակներն էլ տաքացել են, և շոգն իր գործն է անում՝ ողջ տարածքում տարածելով գարշահոտություն: Իսկ մի քանի արաբկիրցիներ էլ դառը կատակում էին, որ եթե հայ մեծանուն կոմպոզիտոր Արամ Խաչատրյանը կենդանի լիներ և տեսներ այս իրավիճակը, երևի քաղաքային իշխանությունների համար երաժշտություն կգրեր՝ «ախբերով պար», իսկ Փափազյանն էլ, չսպասելով Օթելլոյին, կխելագարվեր աղբից ու գարշահոտությունից:
