Hayastan, Armenian portal
Ավշար գյուղում դիմակավորված ու զինված հանցագործները, ովքեր հափշտակել էին խոշոր չափի գումար, չհասցրին ոստիկանների կողմից վնասազերծման ժամանակ - 1 Июля 2013 - HAYASTAN
Главная » 2013 » Июль » 1 » Ավշար գյուղում դիմակավորված ու զինված հանցագործները, ովքեր հափշտակել էին խոշոր չափի գումար, չհասցրին ոստիկանների կողմից վնասազերծման ժամանակ
18:52
Ավշար գյուղում դիմակավորված ու զինված հանցագործները, ովքեր հափշտակել էին խոշոր չափի գումար, չհասցրին ոստիկանների կողմից վնասազերծման ժամանակ
Հունիսի 30-ին Ոստիկանության քրեական հետախուզության գլխավոր վարչության աշխատակիցները թարմ հետքերով վնասազերծել են ավազակային հարձակում կատարած անձանց։ Ինչպես հայտնում է ֆոտոլրագրող Գագիկ Շամշյանը, հունիսի 30-ին՝ գիշերը ժամը 01։10-ի սահմաններում, դիմակավորված 3 անձինք, զինված ներս են մտել Արարատի մարզի Ավշար գյուղի բնակիչ, 48-ամյա Խաչիկ Պողոսյանի տուն և զենքի գործադրմամբ այնտեղից հափշտակել 1 միլիոն 7 հարյուր հազար դրամ և 1 զույգ ադամանդե քարերով ոսկյա ականջօղեր։ Ֆոտոլրագրողը հայտնում է, որ ավազակային հարձակմամբ ժամանած դիմակավորված հանցագործների կողմից կրակոցներ են արձակվել, ինչի հետևանքով նշված տանից Արարատի հիվանդանոց է տեղափոխվել Խ. Պողոսյանի որդին՝ 22-ամյա Տարոն Պողոսյանը, ով վնասվածք է ստացել որովայնի ձախ կողմնային պատի մասում։ Մինչ ավազակային հարձակում կատարողները գողոնով վերադառնում էին Երևան, ոստիկանության քրեական հետախուզության գլխավոր վարչությունում ստացվում են օպերատիվ տեղեկություններ, որ ավազակային հարձակում կատարող անձինք Opel Vectra մակնիշի 235 ԼD 61 համարանիշի ավտոմեքենայով գալիս են դեպի Երևանի կողմ։ Արդեն Երևան քաղաքում՝ Դավիթ-Բեկի և Ավետիսյան փողոցների խաչմերուկում ոստիկանության աշխատակիցները կարողանում են մինչ ատամները զինված ավազակային հարձակում կատարած անձանց պրոֆեսիոնալ ձևի վնասազերծել և բերման ենթարկել քրեական հետախուզության գլխավոր վարչություն։ Ֆոտալրագրողը հայտնում է, որ նրանք են Երևանի քաղաքի Նորքի 9-րդ զանգված բնակիչ, 1989 Էդգար Կարապետյանը, Կոտայքի մարզի Նոր Հաճն քաղաքի բնակիչ, 48-ամյա Ալբերտ Տոնոյանը։ Նշված Opel-ի մեջ հայտնաբերվում է նաև հանցագործության գործիքներ գազային և օդամղիչ ատրճանակներն ու որպես դիմակ օգտագործված զուգագուլպաները։ Հայտնաբերվում է նաև ավազակային հարձակման ժամանակ Խ. Պողոսյանից հափշտակած գումարի մեծ մասը։ Հայտնաբերված ատրճանակներն ուղարկվել են ոստիկանության փորձաքրեագիտական վարչություն։ Ֆոտոլրագրողը հայտնում է, որ նշված անձինք նախկինում եղել են դատապարտված։ Ոստիկանությունը ձեռնարկում է օպերատիվ-հետախուզական քննչական գործողություններ՝ 3-րդ անձին հայտնաբերելու ուղղությամբ։
